2018年2月19日星期一

新春行大運

經過初一初二的指定節目,人都呆哂,到了初三,終於到了可以自由安排自己節目的時候,當然生猛番。也不知道是誰的偉大創作,將初三訂為「赤口」不適宜拜年,其實都啱嘅,上帝都搞咗個星期日比人休息吓啦....

每年初三,最喜歡去行山,初一初二見得人多,初三見吓啲樹木格外醒神。

新年流流,唔想太辛苦,諗住行一條簡簡單單的路線,我住新界西,於是計劃大欖涌水塘半日遊。從河背村小巴站出發,原計劃是行去吉慶橋然後在大欖涌水塘綑邊,到小欖離開。怎料一起步就遇到阻滯,不知道從甚麼時候開始,河背村西行近山邊的一條車路居然封閉了,掛上一個「私人重地」的牌,而且上了鎖,行不得也。

慶幸我對這區比較熟,於是立即改變行程,掉頭向東行,上河背水塘,再向上行往大欖郊野公園。大欖郊野公園有很多山徑及單車徑,四通八達,除了初段要上山之外,基本上後段都是平路或下行,不太難行,我選擇了沿甲龍林徑下山。有一點要留意,這區域有不少越野單車在路上飛馳,一定要格外小心。

從甲龍林徑落到雷公田近農場鮮奶小食亭,本來可以行多十五分鐘便有小巴往西鐵站或元朗,但我決定來一個行大運,沿引水道再行一個半小時左右返回河背,這樣便完成了一個新春行大運壯舉,全程四個半小時,啱啱好!


年初三新春行大運路線圖


無啦啦比人封咗條路


河背營地好熱鬧


河背水塘堤壩有如大戰過後
有不少越野單車在路上飛馳




大欖郊野公園是植林區,樹木高聳

清潭水塘畔的小黃花也開了



沿引水道返回河背途中見到山火後的滿目瘡痍






14 則留言:

  1. 哈哈、指定節目、人都呆晒!👏👏👏😄😄
    見吓樹木真是人都醒神d!好吖… 年初三可以吉祥如意了!🌞🌝😄
    都覺得近年露營的地方、都是擠擠亂亂的!新年願望、希望大家能帶點公德心去郊遊露營吧!🌱🌾🌸🍃🌲💗

    回覆刪除
    回覆
    1. 講得好呀!大家能帶點公德心去郊遊露營,我們的郊野就會更加漂亮啦....

      刪除
  2. 呢幾日天氣預告都麻麻地,搞到我都唔係好敢出發,但實際上又唔係咁差.

    回覆刪除
    回覆
    1. 實際上又真係唔差架,我昨日行大欖,今日行南生圍,天氣都好好,好舒服。影相都唔錯吖....

      刪除
  3. Peace 兄好!初三那天我也行了大運,因住在港島區又聽聞“龍脊”大名多時,於是便一於起程......當天根本不知應從那做起點,只知在石澳道附近.....最後竟給我誤碰誤撞地泊到土地灣附近,見到在路邊有一大群人,估計都不中亦不遠矣!於是行去人群及山邊路口一望,果然見—木牌標示“龍脊”...Wakaka...的確夠運!在此亦祝願 Peace兄及及Blogger們人人都好運連連!身壯力健!生活愉快!家庭幸福!..恭喜!恭喜!

    回覆刪除
    回覆
    1. 真係服咗你,咁樣誤碰誤撞都比你搵到。也祝你一世好運!如意吉祥!身體健康!新年快樂!

      刪除
  4. 佩服你好腳骨力,咩難題都難唔到你.新春愉快.

    回覆刪除
    回覆
    1. 都唔係架,危險的我便不會冒險的了。祝新年快樂!身體健康!

      刪除
  5. 新春行大運,有益有意頭,照片也拍得美麗唷。

    回覆刪除
  6. Peace兄, 向你拜個晚年, 祝您新春大吉, 萬事如意, 身體健康!
    咁早就去行山, 好呀,行大運全年都好運!

    回覆刪除
    回覆
    1. 謝謝!十月都係拜年時,我也祝你年年如意!身體健康!生活愉快!

      刪除