2017年6月19日星期一

暴雨賞荷

Blog 友話散貨總要在雨天,我冇舊貨可散,咁雨天都要去影相架啦....講笑啫!

實情係咁嘅,每年六月深圳洪湖公園都舉辦一個荷花文化節,展示過萬朵不同品種的荷花。預早約定朋友星期六一齊去欣賞荷花,出發前天氣預測已經講咗會有暴雨,同朋友商量過,大家都是習慣了風裡來雨裡去的人,暴雨啫,又唔係打風,決定照原定計劃出發,怕啥!

這天上午香港已經是滂沱大雨,中午來到深圳雨仍沒有減退跡象,懶理,飲完茶後直奔洪湖公園。

洪湖公園在深圳羅湖區,公園面積約六十萬平方米,其中湖面佔廿六萬平方米,這裡除了湖面之外,也有濕地,也有杉林,四季景觀皆宜,值得閒逛半天,當然最重要的仍然是這個公園的主題花 ── 荷花。

荷花是這裡的最大亮點,據說這裡悉心栽培的荷花有六百多個品種,可惜我只懂得分兩種 ── 白色的和粉紅色的。好了,不想扮專家了,還是放幾張相上來分享一下,有興趣的話就自己去看看吧,還未遲呢!



花落知多少?


大雨不停,隨著荷葉面的雨水越積越多,荷葉慢慢彎下來,當雨水去到一定重量
便會傾瀉下來,荷葉回復挺直。人何嘗不是,壓力太大就要減減壓了。





赤腳湖畔賞荷,這對情侶找到了浪漫的對手






由於整天都下著滂沱大雨,雨點打在雨傘上,滲過傘布散開成水花灑在我身上,以致最後幾乎全身盡濕,眼鏡也濛上一層薄霧。湖邊小徑來不及去水而匯成小溪,初時我也會閃閃避避,後來避無可避就索性行在水中央來得更加灑脫。在這個環境下,攝影就變得不怎麼風雅了,有速戰速決的念頭,再加上雨線在鏡頭前不斷,有些相片就會比較矇了,希望你當是有詩意吧。



14 則留言:

  1. 十天後会去洪湖,希望不会如你般狼狽,要开始祈禱了!😂😂

    回覆刪除
    回覆
    1. 相信不會吧,啲雨都應該落哂啦....咁我祝你順順利利啦!

      刪除
  2. 嘩,小小雨就話啫,咁大雨如果有得揀我都會唔影住.所以我永遠影唔到呢啲相 :P

    回覆刪除
    回覆
    1. 雖然話心口掛個勇字照去啫,但我都做足最壞打算,只帶DC,唔帶單反,如果唔係仲傷.... :(

      刪除
    2. 我正想問你相機有几傷添, 你咁醒, 帶左DC仔。好了,單反平安! 哈哈!

      刪除
  3. 哈哈, 希望你仲没散完D貨啦!
    周六係超大雨呀,你都好勇, 真要比多几個Like你。
    不過又几有特色既, 名副其實"雨荷" 呵呵!

    回覆刪除
    回覆
    1. 謝謝你的LIKE。而家冇貨嘞,我鋪鋪清架....

      刪除
  4. 荷塘真的好大, 環境好似几靚, 我都没去過。都要去一次先得!

    回覆刪除
    回覆
    1. 其實而家去深圳真的很方便,好似去新界咁上下,洪湖公園是華南最大的荷花養殖場,值得行吓。

      刪除
    2. 相信這個六月份去都仲有嘢睇,過後就只有影殘荷啦....

      刪除
  5. EE,,我有朋友也去拍了荷花回來,,,,,,,我太忙了,沒時間去,,散貨總要在雨天...哈哈,說得就是我呢....

    回覆刪除
    回覆
    1. 哈哈....荷花年年有,咪等冇咁忙先去行吓囉!

      刪除
  6. 嘩! 咁大範圍咁多荷花,我認為是暴荷賞雨呀.

    回覆刪除
    回覆
    1. 哈哈!執兄真有創意。暴荷賞雨,值得細味!

      刪除