2015年11月22日星期日

從河背到大棠

踏入金秋,每一日都是行山的好日子,每個週末都想往郊外走。然而十二月及一月各有一個賽跑活動,雖然我不可能會奪獎,也沒有打算要贏多少人,但既然參加了也應該認真鍛鍊一吓啊!於是每個週末都在掙扎究竟往郊外遊好呢還是練習跑步好呢?

網友亞執上週發表了從雷公田行到河背一文,我口多多回應說可再加碼從河背步行到大棠,心內突然靈機一動,從河背步行到大棠其實是一段郊遊徑,全程都是水泥路,雖然沒有超級美景,但全程路面寬闊平緩、草木青蔥,何不來這裡跑一回,這麼不就可以郊遊練跑、兩者兼得了嗎?

於是大清早便來到河背村村公所起步,經大欖涌水塘(北端)、吉慶橋、大棠香楓林,然後從大棠路乘車出元朗市中心。



從河背起程,是一段上行路段,來到大欖涌水塘(北端),四通八達。



吉慶橋原建於一八六八年,此為五十年代重修。

今日有毅行者活動,吉慶橋為其中一個支援站。


離開吉慶橋,轉西北往大棠方向跑,進入了近年賞楓熱點大棠楓香林,據說楓香樹要經歷過寒冷天氣後樹葉才變紅,哈哈!今年咁暖,各位要稍等了。




都有少少紅葉了




從大棠山道跑下去大棠路,路旁有幾棵長得很茂盛的洋紫荊樹,枯葉與花朵散落滿行人路上。忽然同情心起,不忍心踏在枯葉與落花上,以免落井下石,於是稍微行出馬路,兩眼仍是凝望著滿地花葉。這時候想想,不如影番張相,作翻首詩放上我的 Blog 浪漫一番吧!









正在聚精會神影落花之際,一輛輕型貨車突然停在背後,車頭跳出一個大漢 (還以為是G4),大力關上車門,然後跑到後面打開車尾門取出一把掃帚 (好彩並非AK47),一面口中唸唸有詞"咪咪嗎嗎"不知在罵誰,一面大力清掃地上的落花枯葉。原來他是外判清潔工,負責這一帶清潔工作。我口多問一句:「每日都咁多花嘅咩?」『係囉!做死人啦!』我自言自語:「都幾浪漫噃。」『比夠錢就浪漫,人工奀到死........』。如此怒漢,當然不敢招惹,於是速速離去。


講到錢就甚麼也不浪漫


記得網友翔流說過,浪漫是要有對手的。我諗這位仁兄不是合適的對手吧!

24 則留言:

  1. 依家跑就啱喇,遲啲有紅葉應該跑唔到 @@

    回覆刪除
  2. 哈, 哈, 你所說浪漫那段我行過几次, 但唔覺浪漫, 只因那段有些灰塵,叫翔流行下呵呵!
    遲D會好多人,睇來我趁佢没完全紅去一次才行。

    回覆刪除
    回覆
    1. 那段路有車,的確唔好行,無奈要行落去搭巴士。你下次去可以"豪"啲啲,搭的士上燒烤場可免卻食塵。

      刪除
    2. 如果賞楓時期, 封左路, 只能行上去呢?

      刪除
    3. 我未見過封路,不過最高峰時塞車非常嚴重,短短一段車路成個鐘都未上到去。行路快得多。

      刪除
  3. 回覆
    1. 冇啦......冇哂浪漫,終於寫唔出。

      刪除
    2. 我都在博文內搵好耐, 詩呢? 期待Peac快出返啦。 順道問好蜓子!

      刪除
    3. 哈哈...哈哈...哈哈哈.................

      刪除
    4. 咪係,Maymay晚安。

      Peace ,你的詩我明早8點半出。

      刪除
  4. Peace 是報了十公里嗎?您都好勁喇!...我就已經無能為力了.........:)

    回覆刪除
  5. 你係得嘅, 郊遊練跑影相吟詩寫卜一舉數得.

    回覆刪除
  6. Peace,,昨天我弟弟和幾個朋友去行鳳凰山,他即時SEND了山景給我,很靚,他說行山感覺非常好,只是今天就超累。

    回覆刪除
  7. 番睇篇blog幾次都唔見有詩喎, 詩呢?

    回覆刪除
    回覆
    1. 我本來就不是寫詩的材料,當時只是因為慘見落花滿地而興起寫詩的念頭,但該G4的出現令我浪漫不成、詩意全消,詩便寫不成了..........有勞鵝兄番睇幾次了。

      刪除
  8. 其實你跑左幾個鐘呀?呢段路有幾多公里?
    我唔識跑嘅,剩係識行,哈。

    回覆刪除
    回覆
    1. 好短咋,接近9公里,連行帶跑,約個半小時

      刪除