2015年10月28日星期三

深圳大鵬半島國家地質公園


朋友話有個旅行團叫“深圳大鵬半島國家地質公園......一日遊”,價錢好抵,問我去唔去,我諗香港嘅地質公園都行過囇咯,去深圳行吓都好吖.... 於是叫佢幫我報埋名。

早上在羅湖口岸集合,等齊人後,跟住導遊支旗仔,離開那鬧哄哄的羅湖口岸。

旅遊巴在路上飛馳,一座座高聳的建築物向後倒退,回想細個時跟父母回鄉路經深圳情境,真難想像深圳在這三十年間有這麼高速的發展。

巴士進入郊區,隨著搖搖晃晃的車身,眼皮慢慢向下墜,人也開始進入夢鄉。

「到啦!到啦!大家準備落車啦!」南柯美夢,給這個肥妹仔導遊"猪猪"叫醒,睜開惺忪的睡眼,看看時間,約行了兩個小時車程,往窗外望,只見巴士正駛進一個寬大的停車場,在猪猪的帶領下,團友們下車跟住旗仔進入一座新穎的建築物,原來這就是「深圳大鵬半島國家地質公園博物館」。我問猪猪:「我們不是去行地質公園嗎?」她說:「先生,我諗你誤會了,我們這個團是「深圳大鵬半島國家地質公園"博物館"一日遊,只參觀博物館,不會行地質公園的。」她還微笑著禮貌地說:「事實上這個地質公園很大,面積有一百五十平方公里,一日行唔到架,今日就嚟認識吓博物館先啦....」這個時候我O哂咀,望望我的朋友,他也聳聳擘、點點頭,原來確是我事前沒有了解清楚,自己期望過高而已。

好了,既來之則安之,地質公園也好,博物館也好,既然來了就要多多了解這裡的一切。原來博物館位於大鵬半島七娘山腳,建築物形態獨特,呈不規則形,外部牆壁鋪上深啡色石塊,同背景的七娘山綠油油的密林很和諧相襯。展覽廳分兩層,上層是「礦物廳」及「城市與地質環境廳」,地面層是「地球探秘廳」及「大鵬半島廳」,全座建築物冷氣開放,清潔明凈。

其實我對於博物館內的文字介紹並沒有耐性細看,反而集中注意力尋找拍攝對象,很快在館內逛了兩個圈,便轉到館外走走,館外地方不太大,其實只是一個花園,散佈一些恐龍模型,較適合小朋友。據介紹這座博物館就座落於大鵬半島國家地質公園的中心地帶,從這裡可以有路登上869米高的主峰七娘山,將來有機會的話真想登上這座高山看看呢!

右下角深綠色部份就是深圳大鵬半島國家地質公園

博物館外形,背面是七娘山

博物館另一角

博物館入口大堂

大鵬半島展覽廳

礦石展覽廳


地球探秘廳,玻璃地板下是模擬海底


18 則留言:

  1. 个博物館都興建得幾有形格呀!很特別呢!

    回覆刪除
  2. 回覆
    1. 算係見識吓囉,事實上唔使自己操心,低團費又唔使比人打,性價比都幾高架....

      刪除
    2. 冇逼迫您買地質化石,真的性價比很高了!hahaha.......

      刪除
  3. 去博物館睇石頭,哎呀.....麻麻地囉 :P

    回覆刪除
    回覆
    1. 唉....就係囉.....仲以為可以上山下海添!

      刪除
  4. 回覆
    1. 最怕係三分錢,一分貨,比多咗,當你傻。

      刪除
    2. 一分錢,,三分錢,都係錢。不會錯,點會傻。

      刪除
  5. 回覆
    1. 博物館是免費進場的,所以旅行社支出就只有口岸至博物館來回交通+午餐,不過團費都好平,說是公司週年紀念,團費不過百,但行程確是很單調。如果能安排我們在某處落車看看大自然的石頭、山水就更完美。

      刪除
    2. 人生際遇又豈會如此完美呢?....:)

      刪除
  6. 國內現在很多展覽館的, 我唔記得最近幾時喺邊樹看過"橋樑博物館", 同你講的展覽館內外都差不多.

    回覆刪除
    回覆
    1. 也聽說過國內某些偏遠地方為了振興旅遊業,興起搞一些無喱頭的展覽館。

      刪除