2014年9月18日星期四

冰球攝影初哥




愛好攝影已經是很多年前開始的事了,一向喜歡影風景、影靚女,近年愛上了影昆蟲,最近也正在學習影星星,唯獨是影體育活動卻極少。眼看別人一次又一次將精彩的體育活動照片分享,自己也有點心癢,但苦無門路,也無經驗。最近得博友島耕作兄報料,話九龍灣有一個冰球比賽,免費入場,任人影相,世間竟有如此著數,實在難得,於是打消了去行山的念頭,到九龍灣來一次冰球攝影實習。

其實我不單只未影過冰球運動,就連比賽規則也唔清唔楚。只是估計應該是將「球」推入龍門便算是贏了吧!當然作為影相佬,最重要的是捕捉到優美的姿勢,誰勝誰負,懶得去管。

由於我是第一次拍攝冰球比賽,完全沒有經驗,到達比賽場地後第一件要做的事就是巡視現場環境。看看哪個位置最好?光源從哪裡來?然而第一個問題出現了,原來整個場地都被玻璃包圍著,心想幾靚鏡頭都冇用啦,塊玻璃花厘花碌,相片質素一定大打折扣。

後來看到上層是沒有玻璃圍住的,立即上樓看看,怎料情况更壞,原來上層是被一個繩網保護著的,無奈,只好乖乖地返回下層開工。



在上層隔著繩網影,球員變成網中人

無論橫看直看,守門員都像一個機械人



冰球比賽給我的印象是難度高、危險性大。



就單是要穿著冰鞋站在冰面取得平衡已經相當困難,更何況要跑、要擊球?

這個"球"像一隻大一點的象棋,堅硬,有一次球員將球打在我前面的玻璃上,"嘭"的一聲巨響給我嚇得半死。

瞓身去盡

追球五步曲:追、打、撩、擒、


奮力擊球



打到飛起

影完這次相,深深感到影體育活動真的不容易,因為一般運動都是快速地進行,而且有不確定性,秒秒鐘都在變化。就以冰球為例,球員高速在冰上滑行,反應慢一點也不行,幸好現今攝影噐材先進,可以對高速攝影提供相當大的幫助。




26 則留言:

  1. EEE,不錯啵,還蠻有水準。

    回覆刪除
    回覆
    1. "嘭"的一聲巨響給我嚇得半死。看到這一句我想像到,,笑了.........

      刪除
    2. 唔係講笑,據說曾經將厚厚的玻璃打爛呢......

      刪除
    3. 甘..你下次再影要格外留意呢.............

      刪除
    4. 冇架....要影相就要企埋去架啦, 除非著保護衣好似嗰個龍門咁...............

      刪除
    5. 初哥..週日愉快............哈哈,,你如果穿龍門的衣服去拍攝...一定全場最型啦...........

      刪除
    6. 雖然係最型,但一定冇收穫........著成咁點影到相呀?

      刪除
  2. 鏡頭捕捉得很好,不似運動攝影初哥,極有水平。

    回覆刪除
  3. 嘩....現在一定很緊張。
    哈哈, "嘭"的一聲巨響給我嚇得半死, 我也笑了..........
    拍攝得蠻有動感的,謝謝分享!
    我看過兄島拍, 利害呀...........

    回覆刪除
    回覆
    1. 島耕作是這方面的專家,我經常向他偷師呢......

      刪除
  4. Peace大哥,我要真心講句,你真係影得好好.夠緊湊又有動感.話係第一次影都冇人信.給你讚讚讚.

    回覆刪除
    回覆
    1. 要謝謝你的推介,的確是一個很值得拍攝的活動..........更謝謝你的讚賞!

      刪除
  5. "奮力擊球" 那張有少少 pan镜 feel,背景再花 d 就正了。

    回覆刪除
    回覆
    1. 我一向喜歡玩pan鏡,但老實說,成功率是偏低的。這張相我也是蓄意校慢少少快門,用連環快拍功能 (每秒7張) 追住目標來拍,但又怕快門太慢而全部失敗,所以還是不敢太慢.....實不相瞞,事後還要用 photoshop 加了少少後期功夫呢........

      刪除
  6. 影得好傳神!你想落場玩埋一份咁喎!從此你又多樣野影相啦!

    回覆刪除
    回覆
    1. 落場就唔好嘞,我諗我連企都企唔穩呀!

      刪除
  7. Peace你捕捉得好好呀~~搞到QQ睇到都有d緊張場比賽呢!^~^

    回覆刪除
    回覆
    1. 謝謝!唔知有冇女子隊嘅呢?

      刪除
    2. 哈哈!呢層~~QQ都想知!,,,,,,大多都係男子隊嘅!^^'''

      刪除
  8. 初哥啲相好有動感,,,睇到好肉緊...

    回覆刪除
  9. 啊! 以為去錯咗島Sir 個卜添. 正.

    回覆刪除
  10. Peace!真有玻璃相隔嗎?看不出喎!.............相片拍得不錯,很有動感,.....初哥?...是高手的初哥吧!...he.....

    回覆刪除
    回覆
    1. 真有玻璃相隔,只是我選擇背景較暗及玻璃不太"花"的位置影,有些缺憾也經Photoshop修飾....

      刪除