2014年5月27日星期二

蝶影鳳園




天氣炎熱,為免中暑,不敢去爬山,不敢去行長途,心想,去攝影就最好不過了。

上個星期日,去濕地公園走了一圈,原想看看有沒有蝴蝶、蜻蜓之類可以影影,怎料不單止沒甚麼收穫,更慘的是被蚊蟲之類的小傢伙咬了四、五十口,並沒有誇張,我數過雙手共有四、五十點,我變成了一隻花蝴蝶。

一個星期後,帶著不服輸的鬥志,改赴大埔鳳園,這裡是蝴蝶保育園地,應該有些收穫吧!受到上個星期的教訓,今次我做足防備措施:穿淺色衣服加長袖防曬衣,長褲、長襪、載帽,最重要的是全身塗了蚊怕水,好一個未來戰士的模樣。

果然不出所料,雖然鳳園的地方不大,但蝴蝶比濕地公園多。我約於早上十時進園,這時候已經有不少戰士在作地氈式搜尋蝶蹤,他們大都手持長炮,步履輕盈緩慢,面色凝重,不言不笑。每當發現蝶縱,他們便暫停呼吸,舉起長炮,卡嚓卡嚓的打蝶。影得靚相,他們會心滿意足的把長炮垂下,翻閱剛才的戰利品;然而大多數情況之下都是還未按動快門,那頑皮的蝴蝶便逃之夭夭;事實上蝴蝶是非常敏感的昆蟲,任何輕微風吹草動她都會一走了之。

我是生態攝影初哥,近年才開始學人影吓雀仔、蝴蝶、蜻蜓和蜜蜂之類的生物,很享受在攝影的過程中可以更加親近大自然,也由於其難度比影人、影風景更大,失敗的機會也更大,感到更有挑戰性。更重要的是,透過親近大自然,學懂了更加尊重生命、尊重大自然。












33 則留言:

  1. 當然拿了第一先,明天再慢慢說......

    回覆刪除
  2. 收穫頗豐喎. 如果你影到蚊仲勁:-)

    回覆刪除
    回覆
    1. 影蚊?唔難噃....問題係佢伏在手上的時候,我都唔知影佢好定係拍佢好.....

      刪除
  3. Peace好,青蛙都幾生態架,見尊重就影吓佢啦....

    回覆刪除
    回覆
    1. 哈哈....,蜻蜓都幾生態架,見尊重就影吓佢啦....

      刪除
    2. 青蛙同蜻蜓當然都好生態啦....事實上嗰日我真的影了一張青蛙相,因為佢躲在水草下猛咁"唊唊"聲大叫,趕走哂我啲蝴蝶,冇乜生意咪影吓佢囉...
      至於蜻蜓,嗰日得三隻出嚟見我....可能其他仲未瞓醒....

      刪除
  4. 第一張你自己加了效果??又是另一種的看法。我覺得這次你張張相都很清晰,特別是幾張大的,嘩,沒得頂,超喜歡,不過都是喜歡蜻蜓相多,謝謝~

    回覆刪除
    回覆
    1. 係啵,你是O型血嗎?聽說比較惹蚊子。
      你都算是經典了,咬了四、五十口。現在痊OK??

      刪除
    2. ﹔是的,第一張作為標題,我加了粒子效果,將文字突出。
      其實也不關什麽血形問題,可能因為下過雨,蚊和虱都多,我在草叢中鑽,慘被狂咬....現在大致都好了。

      刪除
    3. 問你、有沒有拍照留下記念,哈哈、說笑,因為想像也真的很壯觀,那麼多口。

      刪除
    4. 嗯,記得我說過我有密集式恐懼症??給我睇到一定會心緒不寧。

      刪除
    5. 哈....早知影低佢等你恐懼吓啦....kekekeke

      刪除
  5. 哇!你越影越清呀!蝴蝶都要來多謝你幫佢地影相啦!燕鳳蝶最靚!

    回覆刪除
    回覆
    1. 嗰隻燕鳳蝶都幾乖架,雖然每次停留時間不足一秒,但她總在附近飛來飛去,好合作....

      刪除
  6. 的確精彩!好勁!......Peace!攪到我也開始心思思了.....he.........

    回覆刪除
  7. 我都試過唔識死着短袖衫,唔噴蚊拍水在陰暗地方肉搏,結果同你一樣,四五十點蚊口,又痕又腫,最後要睇醫生,所以現在幾熱都要着長袖衫.濕地公園真係冇乜嘢影,鳳園好好多.

    回覆刪除
    回覆
    1. 我就好彩啲, 自己搽藥搞掂, 唔洗睇醫生, 但在那段日子, 我唔敢比人睇到我對手, 我怕別人以為我"生嘢".....

      刪除
  8. 蝴蝶的美態,實在令人百看不厭!

    回覆刪除
  9. 又有幾天假期了........影蜻蜓啦.

    回覆刪除
  10. 影到咁多靚相, 乜仇都報哂啦.

    回覆刪除