洪湖賞荷

 

哈哈！一不離二，二不離三，今期又係荷花，希望唔會悶親大家，今次我去了深圳洪湖公園。

踏入六月以來，我一直都有留意關於洪湖公園的荷花情報，大部份去過洪湖的人都反映，今年洪湖荷花同往年差很遠，由於今年雨水多，荷花稀疏，開得又唔靚。我心諗，洪湖公園是華南最大荷花養殖場，就算失收都唔會冇花睇啩….！？

於是約了朋友，到深圳逛逛洪湖公園，為了遷就光線，我們中午才到達深圳，嘆咗餐茶，大約三時才進入洪湖公園。

正所謂爛船都有三斤釘，洪湖的荷花今年比往年的確少了很多，但如果講花的數量，洪湖的荷花比起昂坪及萬景樓要多得多，道理很簡單，昂平的是荷花盆，萬景樓的是荷花池，而洪湖卻是面積達26萬平方米的湖，冇得比！

由於公園大，我們只遊覽了公園北部湖面，因為那裡亭台樓閣、走廊橋榭比較多，荷花亦比較集中。

總體來說，如果你期待有同往年相若的花海，今年你要失望了；如果你只想逛逛公園，看看荷花，吹吹涼風，靜靜腦筋，洪湖公園仍然是不錯的選擇，一切只視乎你的心態吧！

「流霞亭」一帶的湖面

一條橫跨公園的車路「芙蓉橋」，不單只沒有破壞環境，還為公園增添色彩

部份區域間中會噴霧，為荷花增添氣氛

很難才找到一隻蜻蜓

不少雀鳥在湖面捉魚，收獲頗豐富

多年前逛完洪湖公園之後，用拍到的荷花照片製作了一段音樂視頻，是鳳凰傳奇的「荷塘月色」，今日聽來，仍然喜歡！