較早前寫過一篇「EQ訓練機」, 談及近來我的電腦經常死機, 往往要多次重新boot機才可使用, 估不到今個月初電腦終於再無法起死回生, 用一個簡單的比喻, 之前是間中休克, 今次是腦幹死亡, 冇得救。
冇得救也好, 不再存有幻想, 疊埋心水, 決定另買一部新的。在未買到新機之前, 唯有靠手機取代電腦, 但其實真正可以取代的卻不多。
我們這一代, 從沒有電腦到開始使用電腦, 繼而倚賴電腦, 已經習慣了日常工作生活都以電腦處理, 但當手機開始普及的時候, 自己年紀也大了, 再沒有魄力從新適應一套新的系統, 身邊不少年青朋友和子姪日常生活都使用手機進行, 例如網上銀行服務、網購、網上申請等等...., 而我卻始終堅持用家中的PC, 雖然大部份工作我都懂得用手機處理, 但手機畫面細, 版面也略有不同, 最重要的是缺乏一份安全感, 總怕容易出錯, 所以, 沒有電腦的日子, 我寧願減少網上做事。
不過, 這段沒有電腦的日子, 我仍然以手機上網看大家的博文, 也寫了一些回應, 希望沒有寫得一塌糊塗吧!
昨日終於收到新買的電腦, 急不及待, 迅速安裝好使用。新電腦作業系統是Windows 11, 相信又要一段時間才可熟習了。但有一樣是肯定的, 我決定放棄使用修圖軟件Photoshop了, 因為現在的Photoshop只租不賣, 一年租金接近二千元, 對一個業餘用家來說實在太貴了, 還是從網上搜尋一些免費修圖軟件來用更化算, 雖然這些免費修圖軟件功能較弱, 但既然是免費的, 不能挑剔了吧。
 |
| 我的新拍檔 😍 |
Photoshop只租不賣,重要2000銀，對我們業餘用家吾值，我都是不信手機做網上銀行，我喜歡用電腦寫BLOG
回覆刪除雖然我會間中以手機巡blog及回應, 但我也是喜歡用電腦寫blog, 手機唔掂
刪除和平兄下決心買部新電腦，又有排用了。其實許多上了年紀的（例如老牛的同學），電腦壞了就不再買了（認老、服老），和平兄仍未服老，仍堅持寫博客，好！
回覆刪除我一向認為不要因為年紀大而放棄呢樣放棄嗰樣, 這會使自己很快同社會脫節, 只要自己還有能力, 就應該繼續自己的興趣, 唱歌, 行山, 上網, 樣樣都好。
刪除和平兄終於找到新拍檔了，就祝你開張大吉吧 ! 我也是個不敢事事依賴手機的人，除了因為畫面細，也因為文件檔都放在電腦裡，做起網誌來才能有所依據。
回覆刪除相差很大, 電腦可以一個畫面多工作業, 但手機就相反, 一項工作分成幾個畫面。
刪除身邊好多朋友都冇再用電腦,用晒手機算,我自己接受唔到 :P
回覆刪除廿零歲後生仔自小使用手機，現在手機用途越來越多，他們都一一適應了，但我們用了電腦很長時間，我用了近40年，習慣了電腦，總是覺得用電腦比較安全，尤其是做一些重要的工作，例如網上銀行和網購。
刪除恭賀peace兄有新機加盟,家吓人強馬壯啦,會否有'樂看新機歡,莫聞舊機樣'的感覺呢,呵呵!
回覆刪除怎會, 我非常懷念舊機, 因為有些東西安裝在舊機的, 卻不能安裝在在新機, 好無奈! 不過, 我已經在舊機拆下兩條RAM, 一來作為紀念, 二來將來可移植入新機內。
刪除此留言已被作者移除。
回覆刪除
回覆刪除我冇手写板，写blog 要電腦手機二用。 電話宜家都好多修圖工具好玩，可以留意下
我無論是電腦或手機, 都係用速成輸入法。手機的修圖軟件功能比較簡單, 相信上網可找到一些更好的在電腦用。
刪除我手機寫字快，用下用下，原來已經唔熟既速成，就更差了
刪除通常都係咁, 越少用越生疏。😂
刪除好用嗎?!通常新機有待慢慢習慣，咁你本身有冇買到舊版photoshop?!!
回覆刪除我都唔太慣用手機打太多字，為慳地方都會用筆記型電腦，我可能會等一段時間才換......
仍未適應, 我之前用的Photoshop係好舊嘅版本CS6, 已經不能用在Windows 11上。
刪除以為舊軟件可以長期使用，原來轉新windows就唔用得?!若要換電腦我都要留意下!!!
刪除賣好過租，對一般家庭用家來講租感覺唔太划算~~~~~~~~~~
舊軟件可否在新O/S上使用, 要視乎邊一種軟件, 我十幾年前買的 Office 2007 仲可以裝在新機上, 只是唔會有新功能, 對我來說夠用了。
刪除這個平台久不久就沒有訂閱通知，幸好現在使用此平台博友較少容易發覺。你的分享文章是我第二次失聯。
回覆刪除我學過一堂免費Photoshop，但學不會放棄了！
還是從網上搜尋一些免費修圖軟件來用，功能簡單比較適合我，我祇用裁剪和補光暗已經足夠，如果用相機修圖機會更少，相機画面画質、飽和度都好。
在家我喜歡用座枱電腦，螢幕大看得舒服。
Photoshop主要供商業用途, 功能強勁, 因此也比較難用, 但用多了就冇乜問題, 反而有啲功能在其他修圖軟件是欠缺的, 有點失落感。不過, 網上一上免費軟件都唔錯, 作為非商業用途都唔錯架嘞。
刪除Peace先生, 你好!
回覆刪除Photoshop 我從來未用過, 不懂呀 ❗️ 我仍在使用小畫家囉 ！
網上免費修圖我常用 LunaPic , Gif Maker 等等喔!
先生如果方便, 能否告知你使用的網上一上免費軟件 ❓ ❗️ 🙏
我還未選定用哪一個網上免費修圖軟件, 所以這篇帖文沒有了我慣用的標題圖畫, 有點不慣, 也許下次用小畫家弄一張也好。
刪除電腦壞咗係一件大事，喺廠商設定嘅死亡時間一到，除咗換機冇乜辦法。呢十年我用平版同手機居多，收發電郵，起稿、閱覽回覆留言，全部用佢地，枱機只編輯文字（用word），使用率低，win10行到而家都ok，word仲係十年前版本，冇問題。
回覆刪除我從八十年代開始使用電腦, 已經換了幾次機, 的確, 電腦壞咗係一件大事, 所以我早已經習慣咗將所有資料都存放在外置的硬碟, 壞機也不會失去資料。不過換機意味著換上新版本的作業系統, 有不少舊應用軟件不能在新作業系統上使用, 這是最苦惱的。
刪除