到大嶼山遠足，很多時候行程開始及結束地點不外乎都是東涌、梅窩或大澳，今日正是在大澳結束行程，由於時間尚早，意猶未盡，決定行上虎山觀景台，看看是否夠運看到日落。
今日天朗氣清，行山時候曬到燶，但上到虎山觀景台才發覺，雖然視野尚算清晰，連珠海澳門都看到，但卻多了一大舊雲遮擋著太陽。既來之則安之，還是靜靜的坐下來，等待奇蹟出現。結果....雖然西邊出現了淡淡的晚霞，總是未能同夕陽相見，正欲離去之際，在珠海上空出現了"一線夕陽"，就好像阿拉伯女郎一樣，包頭包面，只露出一線眼睛....咁樣點收貨呀！一於下次再來過。
 |
| 港珠澳大橋澳門段也清晰可見 |
 |
| 天空露出一個洞，還以為有機 |
 |
| 最終還是只影到這個樣子 |
 |
| "一線夕陽"，總算有出來望我一眼 |
我仲未去虎山, 仲約緊日子....
回覆刪除琴日陰天無想像凍, 今日就好好天
虎山好易行，景觀又好，值得行吓。
刪除遇到迷人黃昏真的很開心！只露出一線眼睛....都好過冇喎！哈哈！
回覆刪除係呀！我預咗睇唔到架，點知臨落到地平線時只露出一條線，都好過冇啦！
刪除下次再去過啦,有要求係好的 ;-)
回覆刪除一定會再去，總會睇到堂堂正正嘅日落嘅。
刪除這陣子天氣清朗，有機會再去影過~~
回覆刪除就算一絲的夕陽，都照樣同人!!!!
臨落到地平線時露出一條線，即係叫我下次再嚟啦，揀啱日子，一定會再去。
刪除天空露出一個洞，放出幾束光，這好比留給人們的一些希望。
回覆刪除今天天色澄明，陽光普照，正好出動去遊山拍照啦 !
我相信，希望總是在人間的。
刪除"天空露出一個洞，還以為有機," 我經常咁認哈哈! 大把機會, 好天再去過
回覆刪除不過虎山都几利我, 去二次, 一次燒天, 一次就係現睇個篇, 好靚反曙暮暉。呵呵~~
其實唔知係唔係你識睇天象，點會次次都咁好運呢？
刪除我唔識天睇天象, 可能有少少經驗加運氣吧!
刪除[珠海上空出現了"一線夕陽"，就好像阿拉伯女郎一樣，包頭包面，只露出一線眼睛] 形容得真貼切。
回覆刪除peace, 尾二照片的構圖甚美 - 山巒起伏, 清晰地見到涼亭和安全的行山徑; 天空的黑雲上端似有個[工]字形的湖泊; 黑雲下端現橙紅, 令人感到[希望在人間]。
刪除我原意是以這個構圖影日落的，還是下次吧！正如你所說，[希望在人間]。
刪除虎山對我來講同去機場一樣咁遠^_<
回覆刪除冇得出外旅遊，就當去機場旅遊囉....
刪除一句意猶未盡，便輕輕鬆鬆再行一程，可見和平兄精力充沛。耶蘇光，洞光也拍出來了，美景啊！
回覆刪除這個虎山觀景台其實好間單易行，既然來到大澳，行上去也只消半個小時，上去碰碰運氣，說不定可以看到靚日落。
刪除虎山景色都不錯，有機會都要去行吓！(*^ω^*)
回覆刪除是的，也很易行，就當是遊大澳的附加節目。
刪除peace先生的 『一線夕陽』 好有詩情畫意喎 👍 👍 👍
回覆刪除本來是很失望的，你這樣說，自信心也灰復過來，謝謝！
刪除